پتہ کائینی حیاتی دا،
ولا ہک وار آ میڈو
طبیب آہدن اے نئی بچدا،
میں ھاں بیمار آ میڈو
،تیڈی بخشش وی تھی پوسی
میڈیاں مونجھا وی لہہ پوسن
،متاں کل تائیں میں نہ ہونواں
کرا دیدار آ میڈو
،میڈا کون ھے ڈسا میکوں
میں کینکوں ونج کے دھاں ڈیواں
،میڈی ہُنڑ موت نیڑے ھے
نہ کر نروار آ میڈو
،سبھ گالہیں ہن قسمت دیاں
میڈی قسمت ایویں ھوسی
،میں رلنڑاں ھا تائیں رولیا ھے
میں او ڈیوار آ میڈو
،توڑے جو میں نندر ہونواں
میڈاں ہنجواں وی نئیں رکدیاں
،او رَب تیکوں اجر ڈیسی
میڈا مختیار آ میڈو
مرحوم مختار لغاری سئیں